Lantegi Batuak izan da Vitalitas Sarriko Egoitzako garbiketa eta lorezaintza zerbitzuaren adjudikazio-hartzailea. BBKren Gizarte Ekintzako zentro berria Vitalitas-ek kudeatzen du. 7 solairu eta 13.000 metroko azalera dauka, eta 168 apartamendu daude bertan, 308 egoiliar ere sartzeko lekuarekin. Apartamendu horietatik 136, pertsona nagusien egoitzarako dira eta gainerakoak bestelako gizarte proiektu berritzaileetara bideratuta daude.

Eguneroko zerbitzu horri esker, 24 pertsona beren laneratze-prozesua garatzen ari dira. 45 m2-ko neurria duten apartamenduen garbiketako mantentze-lanak egiten dituzte, oheko arropa aldatzea barne. Gainera, eremu partekatu eta ekipamenduetan ere aritzen dira, hala nola jantokiak, egongelak, sukaldeak, gimnasioa, aldagelak, erizaintza, bulegoak, terrazak eta garajea.

24 pertsona horiek kontratatu izanak argi erakusten du Vitalitas Sarriko eta BBKren Gizarte Ekintzak urritasuna duten pertsonentzako enplegua sortzearen aldeko konpromisoa daukatela eta apustua egin dutela. Izan ere, urritasuna duten pertsonek oso zail daukate lan-merkatura sartzea (are gehiago egungo egoera ekonomikoan) eta langabezia tasa ehuneko 36tik gorakoa da Bizkaian.

BBKren Gizarte Ekintzak elkarteekiko kolaborazioa sustatzen du, eta gizarte finantzaketa programa anbiziotsu baten barruan, ekintzaileei laguntza emateko, irabazi asmorik gabeko erakundeak sendotzeko eta gizarte ekonomiako enpresen sustapenerako proiektuetan parte hartzen du, gizarte-bazterkeria egoeran dauden pertsonentzako enpleguak sortzen lagunduz.

Lantegi Batuak fundazioak 30 urteko esperientzia dauka garbiketa eta lorezaintza sektoreetan; urritasunen bat duten 300 lagun baino gehiago aritzen dira arlo horietan. Gaur egun, Ingurumen arloko Zerbitzuen Unitateak 200 bezero pribatu eta publikori baino gehiagori ematen die arreta. Horien artean 18 udal eta erakunde daude, hala nola Durangaldeako Mankomunitatea eta Bizkaiko Aldundia.

Orotara, Lantegi Batuak-ek 2.500 pertsona baino gehiagori ematen die lana Bizkaian, eta horietatik 2.300ek urritasunen bat dute. %70ek adimen-urritasuna dute, %25ek urritasun fisikoa edo zentzumenekoa, eta gainerako %5ek, buruko nahasmendua.

Horrela, abian den ia 30 urte hauetan, Lantegi Batuak gizarte-eraldaketarako tresna bihurtu da, eta ekintzailetzaz eta berrikuntzaz baliatzen da urritasuna duten pertsonak gizarteratzeko, lanaren bitartez beren parte-hartzea bultzatuz.

Bizkaia osoan zehar banatutako 22 lan-zentrorekin, gizarte-erakundeak pertsonengan, iraunkortasunean eta bikaintasunaren bilaketan zentraturiko balioetan oinarritzen du bere kudeaketa, bai bezeroentzako zerbitzuetan, bai pertsonenganako arretan. Hainbat kalitate-ziurtagiri jaso ditu; esaterako, Kudeaketa Bikaintasunaren Zilarrezko Q, ISO 9000 (kalitatea), ISO 14000 (ingurumen arloko kudeaketa), OSHAS 18000 (laneko segurtasuna eta osasuna), ISO TS 16949 (automozioa), eta Aukera Berdintasuna (Emakunde).

Prentsa oharra: Vitalitas Sarriko Egoitzako garbiketa eta lorezaintzaren adjudikazioa

Lotura duten albisteak:

• ...

Eskaintzaren deskribapena: Karga-deskargarako postua pintura katean. Pisuak maneiatzen dira eta zutunik egin beharreko lana da. Pisuekin eta zutik egotearekin arazoak dituzten pertsonak ez dira kontutan hartuko.

Baldintzak: Erabateko ezintasun iraunkorra edo Ezgaitasuna kreditatzeko ziurtagiria (%33a edo gehiago) izatea beharrezkoa da. Auto propioa eukitea lanera joateko (ordutegia 6:00etatik 14:00etara). Zonan bizitzea kontutan hartuko da.

Lantokia: Igorre.

Ordutegiak: 6:00etatik 14:00etara.

Langile Industriala - Igorre

LANTEGI BATUAK fundazioak hitzarmen kolektibo berria sinatu du Enpresa Batzordean gehiengo sindikala osatzen duten lau sindikatuekin (LAB, UGT eta CCOO).

Urtebete luzez negoziatzen ibili ostean, uztailean hasierako akordio bat lortu zen. Akordio hori berretsi egin du orain langileen batzarrak.

Hitzarmen berriak hiru urteko indarraldia izango du (2012-2014); horrek esan nahi du, laneko egonkortasuna islatzen duen epealdi horri esker Lantegi Batuek 2014ra arteko erronka estrategikoei aurre egin ahalko diela.

Akordio horren bidez, 1.700 langile baino gehiagori eragiten dien itun bat indarrean egotea bermatu nahi da. Langile kopuru horretatik, 1.400ek baino gehiagok urritasunen bat dute. Hitzarmen horretan gizarte hobekuntza batzuk barne hartzen dira, hala nola urritasuna duten pertsonentzako mugagabeko 100 lanpostu sortzea eta txandakako kontratuen programa mantentzea. Horrek aukera emango die 210 pertsona baino gehiagori erretiro partziala hartu ahal izateko, 2019ra arte.

Bestalde, soldaten igoerek ez daukate loturarik KPIrekin; adostutako emaitza eta helburuen betetze-mailarekin daukate lotura. Formula berritzaile horri esker, kolektiboari ordainsari aldakorra eman ahalko zaio. Ordainsari hori soldata osoaren %3 artekoa izan daiteke, baldin eta hitzarmenak indarrean dirauen artean helburu jakin batzuk lortzen badira.

Urteko lanorduak eta malgutasun nahiz erabilgarritasun orduak 1.702an mantendu dira.

LANTEGI BATUAK irabazi asmorik gabeko fundazioa da, eta pertsona urrituentzako ahalik eta lan aukera normalizatuenak sortzea du helburu. 30 urte bete dituenean (1983-2013), industria eta zerbitzuetara zuzenduta dagoen talde solido honek ia 1.000 enpresa nahiz Bizkaiko erakunde publiko ditu bere bezeroen artean; horiei esker, 2.600 lagun baino gehiagori ematen die enplegua, zeinetatik 2.300 urritasunen bat duten. %70ek adimen-urritasuna dute, %25ek urritasun fisikoa edo zentzumenekoa, eta gainerako %5ek, buruko nahasmendua.

Lan-postu kopurua: 1

Lanean hastea: 2013ko Apirilean.

Iraupena: 3 hilabete, jarraitzeko aukera

Lantokia: Getxo.

Ordutegiak: 8:00etatik 13:30etara eta 14:30etatik 17:00etara edo 11:00etatik 14:30etara eta 15:30etatik 20:00etara.

Oharrak: Euskera eta ingeles goi-maila duen teleoperatzailea behar da. Administrazio eta Finantzen erdi mailako ikasketak beharrezkoak dira eta Microsoft Office (Word eta Excel) erabiltzen jakin behar da. Gutxienez urte beteko esperientzia eskatzen da teleoperatzaile moduan.

Teleoperatzailea

Durangoko Udalarentzat funtsezkoa da gu bezalako erakunde publikoek, ezgaitasuna duten pertsonen laneratzearen sustapenean modu aktiboan kolaboratzea. Zentzu honetan azpimarratu nahi dugu, Lantegi Batuak-eko pertsonek beraien eguneroko lanarekin erakusten digutela Durangoko udala eta udalerriarekin duten konpromisoa. Egia da Lantegi Batuak bezalako erakunde baten ezaugarriak, ohiko erankude batenekin konparatuz ezberdinak izan daitezkeela. Hala ere, uste dugu gurekin kolaboratzen duten Lantegi Batuak-eko pertsonen lan borondateak eta ahaleginak, egon daitekeen edozein ezberdintasun osatzen duela.

Zailtasunen bat azpimarratu beharko banu, gurekin lan egiten duten ezgaitasuna duten pertsonen ezaugarri bereziei lotutakoak izango liratekez. Hala eta guztiz ere, uste dugu alderdi positiboek soberan konpentsatzen dituztela eguneroko lanean sor daitezkeen arazoak.

Lantegi Batuakekin aspaldi dugun erlazioarekin erabat pozik egon arren, administrazio publikoa garenez, ezinezkoa zaigu etorkizunean Lantegi Batuak-ek gure kolaboratzaile izaten jarraituko duela baieztatzea, mota honetako zerbitzu guztiak lehiaketa publikoetara lotuta baitaude. Egia da lehiaketa publikoen portzentai bat Lantegi Batuak bezalako erakundeentzat erreserbatuta dagoela baina logikoki izaera sozialeko erakundeen artean konpetentzia egon badago. Hori dela eta, lehiaketa publikoko baldintzak betetzen dituzten erakundeak baldintza beretan baloratzen dira.

Iñaki Mardaras
Durangoko Udaleko zerbitzu teknikaria
www.durango-udala.net

Bizkaian urritasuna duten pertsonen laneratze eta gizarteratze osoa lortzeko ekintzailetzaren eta berrikuntzaren alde egiten duen erakunde honek hogeita hamar urte beteko ditu 2013an.

Gaur, Eusko Jaurlaritzako ordezkaritza batek, Iñigo Urkullu Lehendakaria eta Juan Maria Aburto Enplegu eta Gizarte Gaietako Sailburua buru direla, Lantegi Batuak-en Etxebarriko instalazioak bisitatu ditu. Bi agintariek interesa agertu dute urritasuna duten pertsonentzako lan aukerak sortzen ari den erakunde honen jardueraz eta garatu dituen proiektuez; hain zuzen ere, 2013an hogeita hamar urte beteko dituelako.

Lantegi Batuak-ek Bizkaian 2.500 pertsona baino gehiagori ematen die lana, eta horietatik 2.300ek urritasunen bat dute. %70ek adimen-urritasuna dute, %25ek urritasun fisikoa edo zentzumenekoa, eta gainerako %5ek, buruko nahasmendua.

Hiru hamarkada hauetan, Lantegi Batuak eraldaketa sozialerako tresna bihurtu da, eta ekintzailetzaz eta berrikuntzaz baliatzen da urritasuna duten pertsonak gizarteratzeko, lanaren bitartez parte-hartze soziala bultzatuz.

Lantegi Batuak-ek pertsonengan, iraunkortasunean eta bikaintasunaren bilaketan zentraturiko balioetan oinarritzen du bere kudeaketa, bai bezeroentzako zerbitzuetan, bai pertsonen arretan. Hainbat kalitate-ziurtagiri jaso ditu; esaterako, Kudeaketa Bikaintasunaren Zilarrezko Q, ISO 9000 (kalitatea), OSHAS 18000 (laneko segurtasuna eta osasuna), ISO TS 16949 (automozioa), eta Aukera Berdintasuna (Emakunde). <br>
Lan-aukerak sortzeko ahaleginean, Lantegi Batuen zerbitzu-eskaintza zabalduz joan da urtetik urtera, Bizkaiko enpresa-sarea osatzen duten sektore ezberdinetara egokituta:

Industria Esternalizazioa: mekanizazioa, galdaragintza, soldadura, muntaketa elektrikoak, elektronika eta ekoizpen nahiz logistika zerbitzuen teknologiak garatuz, eta eskakizun handiko sektoreetara bideratuta: ekipamendu elektrikoak, automozioa, kontsumo handia, energia berriztagarriak edo etxetresna elektrikoak.

Zerbitzu osagarriak: ingurumen arloko zerbitzuak (lorezaintza eta garbiketa), hiri-altzarien mantentze-lana, logistika dedikatua (Enklabeak), vending, gasolindegien kudeaketa, autonomia pertsonalerako lagungarri teknikoen alokairua (Laguntek), adineko pertsonentzako etxez etxeko janari-zerbitzua (Etxejan), garden center (Lorelan) edo turismoa (BBKBilbaoGoodHostel).

Komunikazio banaketa eta dokumentuen kudeaketa: posta-operadore independente gisa esku hartuz zuzeneko marketin jardueretan (Gupost), inprimaketa, publizitate-banaketa eta geomarketina (Egunon), digitalizazioa eta dokumentuen kudeaketa (Dokudea) eta dokumentuen suntsiketa konfidentziala (Hondata).

Prentsa oharra deskargatu

Lotura duten albisteak:

• ...

Lantegi Batuak-ek eta Deustuko Unibertsitateak Urritasuna duten Ikasleentzako II. Beka Deialdia aurkeztu dute. Praktikak egiteko beka horien helburua da urritasuna duten ikasle eta tituludunen enplegu aukerak gehitzea eta erraztea.

Beka horiek urritasuna duten pertsonentzat dira, zehazki, 2011-2012 ikasturtean titulua lortu dutenentzat, unibertsitate horretan graduondoko ikasketak egiten ari direnentzat, edota Ingeniaritza, Enpresa Zientziak, Psikologia eta Hezkuntza, Humanitateak eta Gizarte Zientzietako fakultateetan azkeneko ikasturtea egiten ari direnentzat.
Hautatuak izan diren pertsonek ordaindutako praktikak egingo dituzte, 6 hilabetean, Bizkaiko Lantegi Batuak-en 20 zentroetakoren batean. 2013ko otsailaren 1etik uztailaren 31ra bitartean, praktikan jarri ahal izango dituzte beren prestakuntza aldian jasotako ezagutzak, betiere Lantegi Batuak-en profesionalek lagunduta, eta, horrela, beren lanbide-karrera egiteko bidea prestatu ahal izango dute. Deustuko Unibertsitatearen Gizarte Ekintza eta Inklusiorako Zerbitzuan jasoko dira eskaerak, 2012ko urriaren 1etik azaroaren 15era bitartean.

Lantegi Batuak irabazi asmorik gabeko erakunde pribatu bat da, Bizkaian urritasunen bat duten pertsonei lan-aukerak sortzeko xedez ari dena. Lan-erakunde horrek 2.500 pertsona baino gehiagori ematen die lana, bere 20 zentroetan eta zerbitzu-sare zabalean. Horietatik 2.300ek urritasunen bat dute. %70ek adimen-urritasuna dute, %25ek urritasun fisikoa edo zentzumenekoa, eta gainerako %5ek, buruko nahasmendua.

Horrela, abian den ia 30 urte hauetan, Lantegi Batuak eraldaketa sozialerako tresna bihurtu da, eta ekintzailetzaz eta berrikuntzaz baliatzen da urritasuna duten pertsonak gizarteratzeko, lanaren bitartez parte-hartze soziala bultzatuz.

Prentsa oharra

Lotura duten albisteak:

• ...